Աշխատությունը առաջին անգամ հրատարակվել է 1925 թվականին Թիֆլիսում։ Հետագայում վերահրատարակվել է Երևանում Միքայել Հայրապետյանի խմբագրությամբ։ Գիրքը նկարագրում է Սան Ստեֆանոյից մինչ խորհրդայնացում ընկած ժամանակահատվածում Հայաստանի հասարակաքաղաքական կյանքը։ Լեոն այս ստեղծագործության մեջ առաջին հերթին փորձում է կենտրոնանալ տարբեր դեպքերի պատճառների վրա։ Գրքի հիմնական աղբյուրը Լեոյի կյանքից մնացած հիշողություններն են։